Uppskot til kunngerð um umsiting av Barsilsskipan (upproknað býtingartal á útrokningargrundarlagið hjá nýútbúnum) til hoyringar
Endamálið við uppskotinum er at geva nýútbúnum rætt til somu tøku inntøku frá Barsilsskipanini, sum tey fingu í studningi. Studningur er ein skattafrí inntøka, men Barsilsskipanin roknar alla inntøku sum skattskylduga A-inntøku. Tá ið studningurin sostatt verður tikin við í útrokningargrundarlagið hjá Barsilsskipanini, fáa tey nýútbúnu eina munandi minni tøka inntøku í barsilsgjaldið, enn tey fingu í studningi.
Hoyringarfreistin er sett til týsdagin 9. juli kl. 12:00.
Orsøkin til stuttu hoyringarfreistina er, at lógarbroytingin í § 20a í barsilslógini (lóg nr. 43 frá 2024) kemur í gildi longu 1. juli 2024, og fyrsta útgjald frá barsilsskipanini er síðst í juli. Tí verður arbeitt fyri at fáa broytt kunngerðina skjótast gjørligt.
Vinaliga sendið møguligar viðmerkingar til umhvorvi@umhvorvi.fo
![](/images/pdf-black.png)
![](/images/download-black.png)