Johan Dahl, landsstýrismaður í vinnumálum, hevur í dag tikið avgerð um at seta Petur Joensen í starv sum stjóra á Jarðfeingi.
Petur Joensen er 49 ára gamal, útbúgvin Cand. Merc.og hevur harumframt tikið fleiri leiðsluskeið.
Petur Joensen hevur seinastu tvey árini virkað sum settur stjóri á Jarðfeingi, har hann hevur starvast síðani 1997.
Jarðfeingi er stovnur undir Vinnumálaráðnum, og á stovninum starvast í løtuni tilsamans 28 starvsfólk. Jarðfeingi umsitur kolvetnisvirksemi og virkar sum vísindaligur kanningarstovnur, serliga innan jarðfrøði. Stovnurin ráðgevur Vinnumálaráðnum í elveitingarmálum og luttekur í elveitingarverkætlanum. Harumframt skal stovnurin virka fyri at økja kolvetnisvirksemið v.m.
Nærri upplýsingar kunnu fáast við at venda sær til Vinnumálaráðið, tlf. 306600