Poul Michelsen, landsstýrismaður í uttanríkis- og vinnumálum, var í gjár í Oslo, har hann hitti Elisabeth Aspaker, norskan ráðharra fyri ES, EBS og norðurlandamálum.
Partarnir umrøddu millum annað føroysku ynskini um møguligan limaskap í EFTA og sjálvstøðugan limaskap í norðurlendska samstarvinum.
Fundurin er liður í eini tilgongd, har landsstýrismaðurin í uttanríkis- og vinnumálum, m.a. skal hitta starvsfelagar sínar í EFTA londunum, har greitt verður nærri frá ynskjunum hjá landsstýrinum um møguligan EFTA limaskap.