Nú verður møguleiki at søkja um stuðul til at útvega nýggja vitan um orkumøguleikar úr undirgrundini

Umhvørvis- og vinnumálaráðið hevur í 2022 1,8 mió. kr. til verkætlanir, sum útvega nýggja vitan um orkumøguleikar úr undirgrundini.

Stuðulin kann eitt nú nýtast til kanningar, skjalfesting og praktiskar royndir, sum Jarðfeingi og Umhvørvisstovan kunnu fremja saman við kommunum, felagsskapum og/ella privatum feløgum.

Søkjast kann um stuðul sambært reglugerð, sum er gjørd fyri stuðulsjáttanina.

Reglugerðin sæst her

Freistin at søkja um stuðul er 16. mai 2022.

Umsóknir skulu sendast til:

Umhvørvis- og vinnumálaráðið, uvmr@uvmr.fo